RESEP: Portugese prawns

Bestanddele:

• 24 – 36 mooi Mosambiekgarnale, koppe en doppe aan, rug oopgesny en skoongemaak
• 100 ml olyfolie
• 100 g First Choice botter
• 100 ml suurlemoensap
• 100 ml Jakkalsvlei Sauvignon Blanc
• 2 toontjies knoffel, gekneus en fyn gekap
• 3 E atjar, fyn gekap
• 2 E paprika
• 2 E braaispeserye
• 1 t rissiepoeier of rooipeper
• 1 vars rissie, geskraap en fyn gesny, opsioneel
• vars suurlemoene vir wiggies
• platblaar pietersielie

So maak mens:

1. Meng 50 ml van die olyfolie met die suurlemoensap, witwyn, knoffel, atjar, paprika, rissiepoeier en speserye.
2. Maak dit goed fyn met jou stokmenger.
3. Braai die garnale in ‘n groot braaipan of ‘n Sjinese ‘wok’-pan in klein hoeveelhede in ‘n mengsel van die oorblywende olyfolie en botter tot die garnaalvleis ondeurskynend wit en die doppe pienk is. Moenie oorgaar maak nie.
4. Hou eenkant.
5. Giet die speserysous in die pan en laat opkook vir 2 minute. 

Net voor bediening:

1. Verhit die sous en voeg die garnale by.
2. Laat deurwarm word en sorg dat al die garnale bedek is met sous.
3. Bedien saam met rys of chips, suurlemoenwiggies en hande vol vars gekapte platblaar pietersielie.
4. Deel hierdie resep met ‘n vriend(in).