RESEP: Die lekkerste suurlemoenskywe.

Bestanddele:

•  1 pakkie Tennisbeskuitjies
•  1 K suurlemoensap
•  1/2 K suiker
•  4 eiergele
•  3 E vlapoeier
•  2 E water
•  1 1/2 K vars room
•  Fyngeskaafde suurlemoenskil

Só maak mens (net soos Esmé Euverard en Jan Cronjé):

1. Verhit suurlemoensap en suiker in ‘n klein kastrolletjie.
2.  Klits die 4 eiergele saam. 
3.  Meng vlapoeier en water tot ‘n pasta.
4.  Sodra al die suiker gesmelt en die mensel net onder kookpunt is, roer die vlapoeier -pasta en die eiergele tesame vinnig met ‘n ballon klitser by die suurlemoensap. 
5.  Verlaag die hitte en roer deurentyd totdat die mengsel ‘n lekker dik vla vorm.
6.  Berei ‘n mooi tertbak voor met kleefwerende sproei en voer die bodem met grof gebreekte tennisbeskuitjies.
7.  Skep die suurlemoenvla eweredig bo-oor die beskuitjies.
8.  Verkoel dit net effens totdat dit kamertemperatuur is.
9.  Klits die room mooi styf (jy kan dit baie effens versoet as jy wil).
10.  Skep dit oor die suurlemoenvla-tert.
11.  Garneer met suurlemoenskil.
12.  Verkoel tot mooi gestol vir so ‘n uur in die yskas.
13. Deel hierdie resep met iemand van wie jy hou…